पहाड़िया : खोदल ता पौनी ही है ए कदी होइ सकदा कि अपने मने ओ मारी देन - himexpress
himexpress
Breaking News
Breaking News मनोरंजन हिमाचल

पहाड़िया : खोदल ता पौनी ही है ए कदी होइ सकदा कि अपने मने ओ मारी देन

हिम एक्सप्रेस,  #चुनावीचटकारा, #पहाड़िया

चुनाव शांतिपूर्ण तरीके ने निकली गेया कुथी कोई हो हल्ला नी होया, खासा डर था कि कॉंग्रेस्सिये गुटवाजी च लड़ी लड़ी करी मरी जाना कने पिठ लुआई लेनी।
सबनिओ लगा दा था कि ए जेडे दिल्लीया आले कांग्रेसी नी आओदे प्रचारे वास्ते इना जो भी अंदाजा है कि कॉंग्रेस्सिया पता नहीं क्या भद्द पिटाई देनी पर होया पूरी तरह उल्टा ही, कांग्रेसी बड़े चालू निकले , चुपचाप रइ करी जेडे भी मारकु मुद्दे थे उना च ध्यान दित्ता।
दुए पासे फुल्ले आले मुये अपने आपयो रोकी नी पाए कने जे घमासान पाई कि हुन कदी पत्र बम, कदी ऑडियो बम , कदी आपने सामने वाली लड़ाई खुली करी बाहर आओदी।
हुन जरा उना दी भी गल करिये जेडे अपने आपये इकजुट गला दे थे ,
मैं पहले ही बोलेया है कि खोदल ता पौनी ही थी–
गल ए है कि नतीजे कुसी भी पासे जाइ सकदे यह सबनियो पता चली गेया कने कांग्रेसी भी अपनी अपनी सीट बेलटा कसना लगी पेयो
सारे बड़े बड़े नेतें दिल्ली हाज़िरी लगाना शुरू करितेया , हुन उना दे खासमखास लोकां जो पूछिए कि साहव कुथू न ता गां दे जबाव ऑदा साहब ता दिल्ली न, मतलब हाई कमान साडा कुथी सांजो भूली न जाये, और अगर भूली जाये ता चुपचाप ने इक फोटो विरोधिया कने लेनी कने वायरल करी देया दे तां कि थोड़ा देया हाई कमान दे ऊपर दबाव भी बनया रहे कि,,,, भूलने दी गलती कित्ती ता दुए पासे आले ने साडी खरी बनदी, से ता तैयार भी बैठयो साँझो ता बड़े पहले दे गलादे इस पासे आई जा।
हुन यही ता रिवाज़ है।
पार्टी पूर्टी कुछ नी हुंदी जता अपना फायदा उस पासे ही जाइदा
ए ता हल्ले ट्रेलर है असल पिक्चर ता 8 तरीका दे बाद दुसनी
ए चर्चा भी जोरां पर है कि अगर जे ता कांग्रेस 45 या उसदे ज्यादा सीटां लई गई ता सरकार बनाई लेंगी जे उसदे थले रई ता बेशक बहुमत होंगा पर सरकार ता बीजेपी दी बननी।

“खैर साँझो ता इंतज़ार करना ही पौना
बाच लगी जाना पता कि क्या होना”

Related posts

स्टेट सब जूनियर ,जूनियर सीनीयर और मास्टर ,मेन वोमेन एक्विपड पॉवरलिफ्टिंग चैंपियन शिप 2022 का शुभारंभ

Sandeep Shandil

क्या केंद्र सरकार ने केजरीवाल के राष्ट्रीय राजनीति में बढ़ते कद से दर गई है केंद्र सरकार

himexpress

भारत ने किया भारत और इंग्लैंड के बीच चल रही T20 सीरीज पर कब्जा

himexpress

Leave a Comment